إزاي أعرف إن الشركة وهمية؟
اكتب رقم التسجيل الضريبي للشركة في أداة الفحص أعلى الصفحة واضغط «فحص». لو الرقم في قائمة الشركات الوهمية هيظهر كارت أحمر فيه اسم الشركة وتاريخ اعتبارها وهمية، ولو مش موجود هيظهر سطر أخضر.
فين ألاقي رقم التسجيل الضريبي للشركة؟
رقم التسجيل الضريبي 9 أرقام، ومكتوب على الفاتورة الإلكترونية وعلى البطاقة الضريبية للشركة. ولو مش معاك الرقم، ابحث باسم الشركة من تبويب «باسم الشركة».
ليه أفحص المورد قبل ما أتعامل معاه؟
الفواتير الصادرة من شركة مدرجة في قائمة الشركات الوهمية ممكن ما تتقبلش في الفحص الضريبي، سواء كتكلفة في ضريبة الدخل أو كضريبة مدخلات في القيمة المضافة. الفحص قبل التعامل بيوفر عليك فروق ضريبية ومشاكل بعدين.
لو الرقم مش موجود، يبقى الشركة سليمة؟
مش بالضرورة. النتيجة الخضرا معناها إن الرقم مش في قائمة الشركات الوهمية المنشورة هنا (2,025 شركة). القوائم بتتحدث، فلو التعامل كبير راجع موقف الشركة لدى مصلحة الضرائب.
هل الفحص مجاني؟ وهل الرقم اللي بكتبه بيتحفظ؟
الفحص مجاني ومن غير تسجيل. البحث بيحصل على جهازك مباشرة، ورقم التسجيل اللي بتكتبه ما بيتبعتش ولا بيتحفظ عندنا.
تاريخ اعتبار الشركة وهمية بيفرق في إيه؟
التاريخ بيساعدك تحدد الفواتير اللي ممكن تتأثر عند المراجعة. بعض الشركات في القائمة مدرجة من غير تاريخ، وساعتها النتيجة بتكتب «مدرجة بالقائمة بدون تاريخ».
بتعملوا إيه لو مورد عندي طلع شركة وهمية؟
نراجع معاك الفواتير المتأثرة والإقرارات اللي اتخصمت فيها، ونجهز مستندات إثبات المعاملة الفعلية، ونساعدك في الرد لو جالك إخطار فحص. تواصل معانا على واتساب أو بالتليفون.